Tá insa leabhar so aisti agus dialanna do scriobh Theobald Wolfe Tone ins na blianta idir 1791 agus 1798, 'na thaobh féin agus i dtaobh na n-imeachtai agus na ngnóthai, idir phoiblidhe agus phrióbhdideach, go raibh sé páirteach ionnta. Tá ann mar aon leo san nithe do scriobh a mhac chun na bearnacha a líonadh a thárlaidh i dtuairisc an athar nó de dheascaibh cuid de na diálanna a scrióbh sé a bheith caillte. An leabhar a chuir a mhac, Uiliam, i n-eagar, agus a foilsigheadh i Washington sa bhliain 1826, is é is bun úghdaráis leis an aistriúchán so. Níor bhacas leis na paimpléidi ná na meamraim phólaitidheachta atá sa leábhar san de bhrl a fhaid agus a thruime a bhi an saothar so d’á n-iongnais, agus de bhri ná fuil aon léiriú nua ionnta ar thuairimi ná ar mheon an té a scrióbh iad seachas mar atá cheana le fagháil nó le tuigsint insna dialanna. Thugas Beatha mar thideál coitchionn ar an meascradh le ‘chéile.

Nior leanas de’n órd a bhi ar na hadhbhair san mbuinleábhar ná i n-aon aitheagrán de d’ár foillsigheadh ó 1826. Tá athórd curtha ortha d’fhonn iad a bheith i ndiaidh a chéile i gcóimhfhreagairt do ghluaiseacht na haimsire. Táid roinnte ’na rannaibh i bhfuirm caibidli, fé thidil agus fo-thidil. D’fhonn cábhair a thábhairt do’n léightheoir chun nithe áirithe d’aimsiú, tá na nithe deiridh sin ar fad bailithe i dtosach an leábhair i bhfuirm cláir, i n-ionad an index nárbh fhiú, dar liom, a chur le haistriúchán mar seo.

plus-circle Add Review

comment

Reviews